tamis mo ay dinaig ang asukal
ngunit pait ang sukli,
nang tamnan ang lupa
nagsaburak nang ito nabasa.
burak na lumamon sa pag-asa nila
nilang mga maliliit,
at tila walang mapagkasyahan...

kailan magagalit
ang mga diyos na nananahimik?
kailan nga ba mababasag nakalalasong pananahimik?

puta ka
puta ka talaga...
matamis ka nga
pero ang pait mo sa dila
lumalatay hanggang lalamunan
naglalakbay hanggang sikmura
nakakamatay...
pumapatay...
pinapatay ng mga diyos ang mga magsasaka

kailan magagalit
ang mga diyos na nananahimik?
kailan nga ba mababasag nakalalasong pananahimik?




silay natamisan rin
di yan maitatanggi.
tulad din sila ng iba na nalinlang
di man lamang kinutoban
at nagdalawang-isip
at nag-aksaya
at inaksaya
ang ari-arian
buhay
pag-asa nila
nilang mga maliliit
at tila walang mapagkasyahan