Dear Dawn,

Sure, kaya mo ngang magdrama. Magdramang tumutulong ka sa environment.

Hindi nga ba't kayo ang nasa likod ng operasyon ng mga plantasyon ng saging at pinya sa Davao del Norte at Davao City na sinasabing lumalason sa mga taong naninirahan malapit sa inyong mga plantasyon sa pamamagitan ng mga kemikal na ginagamit ninyo.

Hindi mo ba alam na habang pinapalabas ang commercial na ito ngayon ay lumilipad din ang mga eroplanong bumubuga ng mga nakakalasong kemikal na hindi lamang tumatama sa mga saging na binibenta ninyo sa mga Hapon, kundi maging sa mga batang naglalaro sa ilalim--nakikipaghabulan sa anino ng eroplano at naliligo sa chemical drift.

Hindi mo ba alam na habang sinasabi mong kaya mong palitan ang diaper ng iyong anak, ang mga bata naman sa mga bayan ng Davao del Norte at mga barangay ng Davao City na apektado ng aerial spraying ay naluluha at nangangati dahil sa epekto ng nakakalasong kemikal?

Kaya mo rin bang tanggapin, Dawn, ang katotohanang hindi ninyo tinutupad ang probisyon hinggil sa buffer zone na nakakalagay sa inyo mismong environmental compliance certificate o ECC? Kaya mo bang tanggapin, Dawm, na ang buffer zone ay siya sanang security ng mga tao laban sa mga nakakalasong kemikal na binubuga ng inyong mga eroplanon at malalaking spraying machines?

Kaya mo rin bang aminin, Dawn, na kaya hindi ninyo kayang ibigay ang buffer zone, bilang proteksyon ng mga tao at maging ng mga open bodies of water, dahil mangangahulugan ito ng pagkawala ng milyong pesong halaga ng kita.

Kumikita nga kayo ng limpak-limpak na salapi, Dawn, at the expense of the people. Alam mo ba yon?

Ang dami ko pa sanang sabihin sayo. Pero napagod ako sa rally namin kanina sa harapan ng AJMR, isa ring kompanya ng saging, kung saan nagdala kami ng isang dosena ng kabaong para iprotesta ang unti-unting pagkamatay ng mga taong may mga sakit na ngayon--lahat mga simtomas ng mas malala pang sakit na tulad ng kanser.

Napagod ako dawn. At wala akong ganang magdrama ngayon. Kasi naman ay hindi ako nakapag-Myra 400 E kanina.

Blooming pa rin na kagaya mo,
Bananas